Kruger Roetes Safarigids

Na aanleiding van versoeke vir 'n reisgenootboek na die harde omslag Kruger Self-Drive, kom die kleiner sagteband-weergawe met voorgestelde roetes vanaf kampe, stergradering van paaie, 'n volledige kaart van die park; asook uitstekende foto's soos van die Van den Bergs verwag word, en allerhande interessante feite.

Die boek sit die Self-Drive-nalatenskap voort as die beste metgesel vir die Krugerpark. Dit bevat 'n volledige kaart van die park en beskrywings van alle roetes. Lesers vind die afdeling oor Die Nege Beste Paaie die nuttigste, terwyl infomasie oor openingstye, seisoene, reënval en weer van die park help om 'n ideale reis na die park te beplan. Afstande, brandpunte en klassifikasies dra alles by tot die uitgebreide kennis en hulp wat hierdie uitstekende reisboek vir sowel nuwe as ervare parkbesoekers sal bied.